|
|
|
||
|
|
|
||
|
|||||||
| منتديات الفكر الاسلامي القضايا الدينية ، القضايا الاسلامية ، قضايا دينية ساخنة، نصائح دينية ، قضايا القرآن الكريم، قضايا الصحابة ، قضايا العالم الاسلامي ، جميع القضايا الاسلامية في هذا القسم:اقسام اضافية: سيرة الانبياء * صوتيات اسلامية * رسولنا الحبيب |
 | Tweet |
|
|
LinkBack | أدوات الموضوع |
07-27-2010, 12:05 PM
|
رقم المشاركة : [1 (permalink)] |
|
:: انسان محترف ::
 |
لازم تسامح ، مافيش حل تاني
السلام عليكم ورحمة الله اخوتي في الله بارك الله لكم في صيام شعبان و أعاننا و إياكم علي حسن الاستعداد و بلوغ العتق في رمضان النهارده كام شعبان ؟؟؟؟؟؟ خلاص نصف شعبان هيبقي الليلة الجايه الليلة دي بقي ليها مقام عظيم أوي عند ربنا عز وجل مش بس عشان مناسبة تحول القبلة و انما عشان أمر آخر لا يقل أهمية وهو حلول مغفرة الله علي سائر عباده الا فرقتين المشركين و المتشاحنين المتشاحن يعني المتخاصم اللي فيه زعل بينه و بين أخ مسلم ليه فيه أحاديث كثيرة وردت في هذا الشأن بصراحة و الحديث الصحيح اللي فيهم هو ما رواه أبو موسي الأشعري عن رسول الله صلي الله عليه و سلم و صححه الألباني في السلسلة الصحيحة رقم 1563 أن رسول الله قال إن الله ليطَّلع في ليلة النصف من شعبان فيغفر لجميع خلقه إلا لمشرك أو مشاحن و الحديث رواه ابن ماجه أيضا بس فيه كلام كتير حوله بس علي أي حال خلينا مع مضمون الحديث و حتي لو هو ضعيف كما يدعي البعض فأهل المصطلح يجيزون الأخذ بالضعيف في فضائل الأعمال المهم لو بصينا علي الحديث ده هنلاقي حاجة خطيرة وهي ان المشرك و المتخاصم في كفة واحدة ممكن يكون معني الحديث ان المتخاصم بيتأخر في المغفرة له بعكس المشرك بس علي أي حال هو في نفس المقام مع المشرك طيب لما تبقي حاجة زي كده حاصلة يبقي ده معناه ايه ؟؟؟؟ اكيد معناه ان التمادي في الخصومة وعدم السماح هو مما يكرهه الله عز وجل لعباده المؤمنين فعشان ايه الواحد يفضل زعلان مع أخيه المسلم و يمنع نفسه من الدخول في ركب المغفور لهم بإذن الله مش هقولك سامح أخيك فلان عشان عمل معاك حاجات حلوة زي كذا و كذا و كذا مع ان ده اللي المفروض تنظر بمنظوره و انما هقول لك سامحه عشان مافيش حاجة تستاهل ان ربنا يأخر لك في المغفرة بسببها أنا متفق معاك ان السماح و العفو في حد ذاته أمر صعب علي النفس دا شئ أساسي بنص القرآن قال تعالي و لمن صبر و غفر إن ذلك من عزم الأمور يعني حاجة محتاجة عزم مش سهلة بس برضه بصلها من زاوية تانية عشان العزم ده يجيلك بص كده في صفات المحسنين كانت منها ايه و الكاظمين الغيظ طيب مانا ممكن أكظم غيظي و أفضل شايل جوايا لأ ، كمل الاية و العافين عن الناس العفو بعد الكظم و النتيجة و الله يحب المحسنين وصلت لمرتبة الاحسان أو علي الاقل أخذت منها صفات و فوقيهم محبة ربنا بإيه ؟؟؟؟ بمجرد انك سامحت لوجه الله مش عارف أقول ايه ولا ايه في هذا المقام بس الكلام كتير و الله يكفينا عتاب ربنا لأبي بكر بسبب انه مسامحش و ابو بكر كان هو اللي ليه الحق ورغم ذلك هو اللي وقع عليه العتاب كان بينفق علي ابن اخته الكافر و لما وقعت حادثة الافك التي اتُهمت فيها السيدة عائشة رضي الله عنها راح جه ابن اخته و سب أم المؤمنين في عرضها فأقسم أبو بكر أن يحرمه من معونته عنده حق ، مش كده ؟؟؟؟؟؟؟؟؟ بص بقي نزل فيه قرآن يتلي الي يوم القيامة ولا يأتل أولوا الفضل منكم و السعة أن يؤتوا أولي القربي و المساكين و المهاجرين في سبيل الله و ليعفوا و ليصفحوا ألا تحبون أن يغفر الله لكم و الله غفور رحيم شوفت ، شوفت ؟؟؟؟ تأكيد الحديث اللي فوق أهو ان العفو هو سبيل المغفرة من الله مش كده و بس دا العفو مقربة للعبد من التقوي قال تعالي و أن تعفوا أقرب للتقوي عاوز ايه أكتر من كده يبقي عشان موقف عبيط حصل معاك من أخ مسلم فزعلت منه تضيع كل هذا الشرف عند الله ؟؟؟؟ مافيش حاجة مستاهلة بقولك أبو بكر اتهان في عرض ابنته و سامح رغم انه كان علي حق فيما فعله فما بالك بقي باللي مش بيسامح و هو الغلطان كمان ؟؟؟؟ ربنا يقول فيه ايه لما يقول الكلام ده في أبي بكر إمام الأمة بعد رسول الله ؟؟؟؟ سامح اخوتك في الله يا أخي لله لله عشان ربنا و الله مش عشان شئ آخر اجلس كده في خلوة بينك و بين ربك و أعلن له عفوك عن كل من أساء إليك أو ظلمك وفي رواية عن أبي هريرة رضي الله عنه كما قال ابن عبد البر: إن رجلاً من المسلمين قال: اللهم إني ليس لي مال أتصدق به، وإني قد جعلت عرضي صدقة لله عز وجل لمن أصاب منه شيئاً من المسلمين؛ فأوجب النبي صلى الله عليه وسلم أنه قد غفر له وقال ابن القيم رحمه الله: يا ابن آدم إن بينك وبين الله خطايا وذنوب لا يعلمها إلا هو.. وإنك تحب أن يغفرها لك الله، فإذا أردت أن يغفرها لك فأغفر أنت لعباده.. وإذا أحببت أن يعفوها عنك فأعفو أنت عن عباده.. تعفو هنا يعفو هناك.. تنتقم هنا ينتقم هناك.. تطالب بالحق هنا يطالبك بالحق هناك خدت بالك ؟؟؟؟؟ كله سلف ودين و المسألة ليست مسألة أنك تاخد حقك و انتهي الأمر فاعفوا و اصفحوا يغفر الله لنا و لكم اتفرجوا عالفلاش ده للشيخ محمد حسن يعقوب بجد كلام ميتفوتش عن التسامح ولو لليلة الجاية يرحمكم الله حمل من هنـــــــــــــا أو للموبايل من هنــــــــــــا نقلته لإفادتكم
للمزيد من مواضيعي
التعديل الأخير تم بواسطة عاشقة فلسطين ; 07-27-2010 الساعة 12:07 PM.
|
|
|
|
|
|
07-27-2010, 02:17 PM
|
رقم المشاركة : [2 (permalink)] |
|
آميرة البنات
 |
رد: لازم تسامح ، مافيش حل تاني
الله يسامح ,,وربنا بيسامح جزاك الله الف خير تقبلي مروري اميرة هلا اميره مش قلنا بلاش جزاك الله الف خير هههههه اكيد نسيتي ربنا يبارك فيكي جزاكِ الله خيرا بلاش الف ده ،،،،،
التعديل الأخير تم بواسطة ساجد لله ; 07-28-2010 الساعة 09:23 AM.
|
|
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
| مملكة الحرف بيت الابداع والثقة بالآخرين : موقع عربي موحّد ، يهتم بتطوير الفكر النقي ويحترم كل الافكار التي تليق بنا كبشر نحمل صفات الانسان الذي يحاول دائما البحث عن الحلول المناسبة لمستقبل افضل |
الساعة الآن 01:51 PM.
Powered by vBulletin® Version 3.8.6Copyright ©2000 - 2012, Jelsoft Enterprises Ltd. |
 |
رد: لازم تسامح ، مافيش حل تاني
