محمدالصباغ

بسـ قبلـ كل شي بتمنى انو الكل ما يرد الا اما يكون كملو كلو



برن جرس الباب بروح صاحب البيت يفتح بلاقي الجماعة جايين على الموعد بالزبط، الجماعة اللي همّه الشاب واسمه “سمير” وإمه وأبوه، جايين يخطبوا البنت واسمها “سارة”… برحّب فيهم أبو سارة، وبعد السلام والكلام ومرحبا فيكم وكيف الحال، وبدور الحوار التالي:

أبو سارة: ها يا سمير، شو بتشتغل؟
سمير: انا بشتغل في مجال الانترنت.
أبو سارة: مُبرمج يعني؟ ما شاء الله.. ممتاز.
سمير: لا يا عمّي انا مش مبرمج.
أبو سارة: أكيد مُصمّم غرافيك إذا هيك.. هاد المجال إلو مستقبل كبير.
سمير: لا عمّي انا حاليا مشرف منتدى الأغاني في موقع “كراكيب دوت كوم” وقريباً رح أمسك إشراف منتدى المسلسلات التركية في موقع “سلامتك من الهسهس دوت نت”.
أبو سارة: مشرف كيف يعني؟
سمير: يعني انا بضيف مواضيع وبحط أغاني وبعمل اشتراكات بأسماء وهمية عشان أحرّك المنتدى وهيك يعني.
أبو سارة: والله منا فاهم شي.. يعني كم بدفعولك بالشهر في هاد الشغل؟
سمير: لا يا عمّي أنا اللي بدفع لصاحب المنتدى عشان أصير مشرف.. بس قريباً رح أفتتح المنتدى الخاص تاعي.
أبو سارة: ومنتداك الخاص وين راح يكون مكتبه؟
سمير: حالياً من البيت ولما الله يفتحها علينا بستأجرله مكتب.
أبو سارة: وهاد المنتدى شو راح تستفيد منّو؟
سمير: كيف شو أستفيد منّو..؟!.. انا رح أفتح المنتدى وأحط فيه برامج ومسلسلات وألعاب والأعضاء راح يشتركوا فيه ويصير منتدى مشهور جداً.
أبو سارة: يعني العضو كم بدفع اشتراك؟
سمير: لا يا عمّي.. العضو ما بدفع اشتراك.. أنا بدفعله عشان يشترك.
أبو سارة: لا حول ولا قوة إلا بالله.. يعني مصدر رزقك من وين يا ولد؟
سمير: لمّا يكبر المنتدى وأنشره على فيس بوك راح تيجيني إعلانات بالهبل.
أبو سارة: والله منا فاهم شي.. طيب انتا محوّش كم؟
سمير: أنا يا عمّي وما بدي أخبّي عليك، عندي حاليا 99 دولار في Google Adsense ووعدوني يبعتولي الشيك بعد شهرين ورح يكون وضعي المادي ممتاز، حتى اذا بدك بجيبلك براءة ذمة من Paypal.
أبو سارة: الله يقضّي هالليلة على خير بس.. طيب انتا من وين بتعرف سارة بنتي؟
سمير: تعرفت على سوسو بالـ Facebook، وكنا نبعت مسجات ونعمل لبعض poke أحيانا..
أبو سارة: ويعني معرفة النت بتكفي انك تيجي تخطبها؟
سمير: آآآه يا عمّي.. ما انتا مش عارف.. انا جبت 80% في الـ quiz تاع سوسو.
أبو سارة: شو هاد الـ كويز؟
سمير: معقول يا عمي ما بتعرف كويز Do you know me? على Facebook؟
أبو سارة: لا بعرفوش.. وبعدين مين هاي سوسو؟
سمير: يا الله يا عمي.. معقول كمان ما بتعرف انو سارة اسمها سوسو على Facebook؟
أبو سارة: لا بعرفش انو سارة اسمها زفت.
سمير (بكل بُرود): انتا زعلت يا عمي؟
أبو سارة (بعصبية): بتعرف اذا ضليت قدامي كمان 10 ثواني شو بعمل فيك؟
سمير (بإبتسامة غبية): أكيد بدك تضيفني على facebook وتكتبلي على الـ wall تاعي، صح؟
أبو سارة: براااااااااااااااا.

طبعا أبو سمير وإمّو استحوا على حالهم وروّحوا بعد أول سؤالين

للمزيد من مواضيعي

   الموضوع الأصلي : هنا    ||   المصدر : مملكة الحرف   ||   الكاتب: محمدالصباغ    ||  مواضيعي

ريتال

التوقيع:

إلى حيث الهدوء ||
وإلى حيث لاشيء سوى قلبي ..تجدني ::
سلاماً يامساءات الهدوء الصاخب بالإشتياق

حاتم ابوليث

عفوا اخي محمد ولكن لااخفيك انني كنت اقهقه وانا اقرا كل سطر ولولا انك طلبت ان اقراه للاخر لما استمريت لاني بصراحة على قناعة تامة بهذه المهزلة
اقبل جبينك على هذه اللفتة الي خلت شبابنا عبيد للي اسمه اشراف ومنتدى وسخام وفيس بوك وتويتر وكل هالسخافات
لا اخفيك ان لي قريبة جدا طلبت مني استئذان على ان تشترك بالفيس بوك
فرفضت وطبعا بعد تحايل البنات والحاحها قلت لها موافق بشرط...وهو ان يكون لي الباسوورد تبع الفيس بوك واني اطلع على كل خفايا المواضيع اللي بتحطيها واللي بتيجيكي وكل مافيه من اسرار بتخصك
فطبعا قضبت جبينها وقالت ...مابقبل هاد يعني انك مخوني ...فقلت لها بالضبط بدي اياكي تبعتي بهالرسالة للقائمين على الفيس بوك لانهم بدخلو بكل خصوصياتك بمافيها شو لون شحاطة الحمام اللي بتلبسيها (بديش اقول قطعة تانية على طرف لساني)
وانا قريبك المقرب ورفضتي اني اشوف كل خصوصياتك فمابالك بالالاف اللي عم يتبصبصو عليكي؟؟؟؟؟
انضطبي وانصرفي بلا فيس سخام بلا بتنجان انا عملت واحد بالزمانات لشوف شو بطلع منه ولقيت المصخرة على دين كيفها وماعم بشوفه ولا بدخل فيه ولا بستخدمه للكتابة ولاشي ورح الغيه

التوقيع:

ومن يغترب يحسب عدوا صديقه * * * ومن لا يكرم نفسه لا يكرم

BashaR

ههههه

بصراحة النهفة بالموضوع عجبتني .. وضحكتني فعلاً

بس انا مع أبو ليث بكل كلمة قالها .. ومع أني من المشـتركين بالفيس بوك .. بس انا مشـترك لغرض واحد بس وعم اشتغل عليه لا بدي ادردش مع حدا ولا بدي اتعرف على حدا بس عندي شي مهم ولازم اقضيه جوا ..

بالفعل الفيس بوك من أكبر المهازل يلي عم تصير بالنت .. ومن اسخف ما شافت عيني

التوقيع:

رسـالة من الأخت ( المحبة لله ) للعالم

قد يتحول كل شي ضدك ويبقى الله معك
فكن مع الله يكن كل شي معك
ياربي سلم وللخير عمَم
ربي ايقظ قلوبنا
فانك لا تغير ما بقوم حتى يغيروا ما بانفسهم
ربي وفق امتي لتعمل
ربي اعنا على نصر ديننا
وما على دينك اخشى فهو بعزتك منتصر
ربي اغفر و ارحم و انت خير الراحمين

رحمة الله عليكِ يا ملك ، وادخلكِ الله فسـيح جناته

محمدالصباغ

والله كل واحد حسب استخدامة
يعني متل ما بحكوها
"سلاح ذو حدين"
مشكورين على الردود الجميلة

تامر زاهر

ممممممممم

نهفة واقعية بتصير

شكرا ً محمد ..


بس انا مبسوط من ابو ليث انو ما جاب سيرتي بالموضوع

لأنو متل هيك مواضيع بيحب يحطني بوز مدفع لأنو عارف لساني هههه

بس الحمد لله :d







على فكرة انا بحتقر الفيس بوك .. وبحتقر كل واحد مسجل فيو

مع الاحترام

.
.

التوقيع:

أنـا والبحر ذئب ُ ُ يخيف الفضاء .. فهل انا جرح ام قوس َ قزح ؟؟

.
.

حاتم ابوليث

وحياة اللي خلقك كنت بدي ادحش اسمك هون بس قلت خليني اعتقه لانه مشغول
صعبت علي يامسكين!!
تخافش ملحوقة

التوقيع:

ومن يغترب يحسب عدوا صديقه * * * ومن لا يكرم نفسه لا يكرم

ريتال

!!!!!
مممممممم .. انا مو مسجله
بس تامر انت مسجل

التوقيع:

إلى حيث الهدوء ||
وإلى حيث لاشيء سوى قلبي ..تجدني ::
سلاماً يامساءات الهدوء الصاخب بالإشتياق

حاتم ابوليث

لا والله جبتي الديب من ديله
ياستي في فرق لما الواحد تلاقيه عم يكتشف المصيبة غير عن واحد عم يستمتع بالمصيبة

الواحد بشوف هالشغلة مشان يعرفها مش مشان يتسلى ويشبع حاله فيها

الفيس بوك والهبل هاد كله نتيجة فشل الحياة الاجتماعية هون بالغرب ...لانهم ماعارفين يعملو صحاب بالحياة مشان هيك عملو هالشغلات وعجبتهم
لكن نحن فهمناها غير ...غير شكل اختي...
والنتيجة ان كل شي مكشوف للناس ...مابدنا نضيع الموضوع تبع الاخ محمد رح نحط هالشي للنقاش بمكان تاني

لانو بصراحة قاهرني قهر مابتعرفي قديش

التوقيع:

ومن يغترب يحسب عدوا صديقه * * * ومن لا يكرم نفسه لا يكرم